[Y g3] DU CHÂTELET DE PARIS. 297

niepces, désirant les réduire en concorde, et en ce faisant auroyt ledict m^e Nicole donné ausdictz m⁰' Pierre, Jehan et Nicole Les Clercs et à ladicte damoiselle Philippes Le Clerc, femme dudict Bourgoing, tous et chascuns ses biens..., à la charge et soubz condition et non autrement que m^e Jehan Le Clerc, chantre de Chaalons, son frère, feroyt semblable disposition.. . Et depuis lesdictz maistres Pierre, Jehan et Nicole Les Clercs, frères, congnoissans, bien certains et asseurez que ledict m° Jehan Le Clerc, chantre de Chaalons, leur donneroyt son bien, en délaissant ladicte damoiselle Philippes Le Clerc, sa niepce, praticquans lesdictz frères de faire priver leurdicte seur de la succession dudict m" Jehan Le Clerc, chantre de Chaalons, comme depuis ilz ont faict, se advi-sairent de induyre ledict m' Nicole Le Clerc, estant lors griefvement mallade, en danger de mort, hors d'espouoir de vye, à faire certaines déclarations, résignations, advantaiges et donations. .., ayans sesdictz nepveuz attendu et regardé leur opportunité et que ledict Bourgoing, mary de sadicte niepce, estoyt lors absent aux Grans Jours de Moulins, qui furent esdictz moys et an cinq cens quarante, affin de plus aisément obtenir lesdictes déclarations et advantaiges par eulx praticquez au préjudice de leurdicte seur..., et auroient en obliant le bien et gratuyt à eulx faict par ledict m" Nicole Le Clerc, suscité infynies querelles, se seroient adjoinct avec led. feu m^e Jaques Le Clerc, leur frère aisné, à persécuter ledict maistre Nicole Le Clerc par infinies querelles, molestes et poursuictes, tant en Chastellet, Requestes du Palays, en la court de Parlement, Grant Conseil et au privé Conscil du Roy, tendans par ces moiens à tourmenter ledict m^e Nicole Le Clerc, et par tourmens le faire mourir, et en grant calamyté finir ses briefz et vieulx jours. . . ; et tousjours depuis auroient. .. continué en leur dicte volunté jusques ad ce que finablement ledict m^e Jehan Le Clerc, chantre, frère dudict m' Nicole Le Clerc, seroyt tumbé au lict mallade, estant au

lieu du Tremblay, le cinq ou sixiesme de ce présent moys de juing mil cinq cens quarante-sept et dernier passé, auroient lesdictz frères• envoyé ledict m* Nicole Le Clerc, le jeune, conseiller en Parlement, leur frère, audict lieu avec maistre Guillaume Pouart, et combien que en icelluy lieu ledict maistre Nicole Le Clerc feust allé en dilligence pour visiter ledict chantre, son frère, toutesfoys lesdictz m" Nicole Le Clerc, le jeune, et Guillaume Pouart, le septiesme dudict moys de juing, environ mynuit, advertiz que ledict m' Nicole Le Clerc estoyt couché en la mesme maison où ledict chantre estoyt mallade, luy persuadent de faire testament et par icelluy font donner tous ses biens meubles et conquestz ausdictz m" Pierre, Jehan et Nicole Les Clercs, ses nepveuz, en privant et faisant par eulx priver ledict m° Nicole Le Clerc entièrement de la succession de sondict frère, ayant délaissé plus de quatre mil livres tournois en argent contant, et dudict testament pratiquant estre exécuteurs, affin qu'ilz puissent prandre par leurs mains lesdictz legs, font faire une fondation d'une chappelle, escripte et dicte par maistre. Estienne Baye-mont, domesticque desdictz frères, qui se faict nommer chappellain à {'évesque diocésain; font les dessusdietz, lesdictz jour et an, passer procuration audict chantre, selon le bon plaisir de sesdictz nepveuz, pour resigner tous ses bénéfices et mesmes audict Pouart. Et ce faict, ledict m" Jehan Le Clerc, chantre, frère dudict m^e Nicole Le Clerc meurt le lendemain, huitiesme ou le neufiesme jour de juing mil cinq cens quarante-sept, bien matin. Et ainsi est ledict defunct mené et seduict tellement cpie par telles praticques est ledict m' Nicole Le Clerc privé de la succession de sondict frère, tant au moien dudict prétendu testament que par une donation que lesdictz frères dient avoir de leur dict feu oncle, moings que deuement, faicte et insinuée. Après ledict décedz ledict m° Nicole Le Clerc demande inventaire estre faict, après longues allées et venues y est proceddé, ne treuve officier, serviteur de la maison